Nola bete online dagoen periodontograma

Online dagoen periodontograma sortzeko hurrengo datuak sar daitezke: hortz-mugikortasuna, furkazio-lesioa, ertz gingibala (mm), zundaketa-sakonera (mm) eta oharrak. Poltsa periodontalak irudikatzen dituen eremu urdina automatikoki sortuko da, ertz gingibala adierazten duen marra gorria eta intsertzio-maila (poltsa periodontalaren hondoa) adierazten duen marra urdina definitzen direnean.

Furkazio-lesioaren gradua zirkulu bat erabiliz irudikatzen da. Zirkulu irekia (1. gradua), zirkuluerdia (2. gradua) eta zirkulu betea (3. gradua).

---

Nola gorde online dagoen periodontograma

Testu-dokumentuak ez bezala, online betetako periodontograma ezin da disko gogorrean gorde. Gainera, webgune honek ez du formularioan sartutako daturik gordetzen.

Hala ere, alternatiba gisa, webgunea Apple Macintosh eta PC Windows-ekin gorde daiteke PDF fitxategi gisa. "Print" komandoa erabiliz, imprimatze-elkarrizketa irekiko da, aukera hauetako bat hautatzeko: Adobe PDF edo FreePDF. PDF artxiboa gordetzerakoan, OK sakatzeak aukera emango dio erabiltzaileari fitxategiaren izena eta kokapena hautatzeko.

Inprimatze-menuan "Save as PDF" aukeratu.

Deskargatu

Hurrengo periodontograma eskuzko grafiko gisa eskuragarri dago eta datu klinikoak aldiberean elektronikoki erregistratzerik ez badago, beranduago transferitu ahal izango dira.

Deskargatu: Periodontograma Islatzeko Orria

EU_Periodontograma_Islatzeko_Orria.pdf

EU_Periodontograma_Islatzeko_Orria.xlsx

Periodontograma klinikoaren kalibraketa

Periodontograma klinikoaren helburua hortzoiaren atzera-egiteak, zundaketa-sakonerak eta intsertzio-mailak, milimetrotan, hortzeko edo inplanteko 6 lokalizaziotan erregistratzea da. Neurketa guztietarako, zentzuzkoa izan daiteke zunda periodontalarekin hartutako erregistro guztiak biribiltzea.

1. Ertz gingibala, zundaketa-sakonera eta intsertzio-maila

Eremu bakoitzean, lehenik eta behin, "Ertz Gingibala"-ren balioa zehaztuko da eta, ondoren,"Zundaketa-Sakonera" neurtuko da. "Intsertzio-maila"-ren balioa, online dagoen periodontogramak kalkulatuko du eta diagraman lerro urdin batekin agertuko da.

"Ertz Gingibala", lehenengo balio gisa, ertz gingibal klinikoaren eta erreferentzia jakin baten arteko distantzia da, hala nola, kasu gehienetan, idun-lerroa. Koroaren marjinak eta errestaurazio-ertzak erreferentzia gisa aukeratu beharko lirateke, baldin eta gutxienez idun-lerrotik (IL) 3 mm erpinerantz badaude, bestela, erreferentziazko lerro birtual bat aukeratu beharko litzateke jatorrizko idun-lerroaren kokapenean.

"Zundaketa-Sakonera", bigarren balio gisa, ertz gingibalaren eta ildo gingibalaren edo poltsa periodontalaren hondoaren arteko distantzia da, hurrenez hurren.

Lokalizazio bakoitzeko "Intsertzio-Maila" formula honen arabera kalkulatuko da:

Zundaketa-Sakonera (mm) - Ertz Gingibala (mm) = Intsertzio-Maila (mm)

Periodonto osasuntsua

Periodonto osasuntsu batean, idun-lerroa ertz gingibalaren azpitik dago eta intsertzio-mailaren gainetik. Ez dago intsertzio-galerarik periodonto osasuntsua duten lekuetan.

Kasu honetan, ertz gingibalaren (1) eta zundaketa-sakoneraren (2) bi balioak berdin-berdinak dira.

Goiko irudian, intsertzio-maila formula honen arabera kalkula daiteke:

Intsertzio-Maila 0 mm= Zundaketa-Sakonera 2 mm - Ertz Gingibala 2 mm

Inplante-inguruko ehun osasuntsua

Inplante-inguruko leku osasungarrietan, supraegituraren ertza inplante-inguruko mukosaren ertzetik nonbait beheraxeago aurkitzen da. Inplante-inguruko leku osasungarrietan ez dago hezur-galera albeolarrik.

Goiko irudian, hezur albeolarraren (intsertzio) maila honako formula honetan oinarrituta kalkula daiteke:

Hezur albeolarraren (intsertzio) maila 2 mm = Zundaketa-Sakonera 3 mm - Ertz Mukosoa 1 mm

Hiperplasia gingibala (hortzoiaren handitzea)

Kasu batzuetan, idun-lerroa ertz gingibaletik oso behera koka daiteke, nahiz eta oraindik intsertzio-mailatik gora egon. Hau hortzoiaren handitze edo hiperplasia gingibaleko kasuetan gertatzen da.

Kasu honetan, berriro, ertz gingibalaren (1) eta zundaketa-sakoneraren (2) bi balioak berdin-berdinak dira.

Goiko irudian, intsertzio-maila honako formula honetan oinarrituta kalkula daiteke:

Intsertzio-Maila 0 mm = Zundaketa-Sakonera 5 mm - Ertz Gingibala 5 mm

Oharra: Pseudopoltsak intsertzio-galerarik gabeko 4 mm edo gehiagoko poltsak dira.

Inplante-inguruko ehun osasuntsua eremu estetikoan

Eremu estetikoko inplante-inguruko leku osasungarrietan, supraegituraren ertza inplante-inguruko mukosaren ertzetik beherago dago. Eremu estetikoko inplante-inguruko leku osasungarrietan ez dago hezur-galera albeolarrik.

Goiko irudian, hezur albeolarraren (intsertzio) maila honako formula honetan oinarrituta kalkula daiteke:

Hezur Albeolarra (Intsertzio) maila 2 mm = Zundaketa-Sakonera 5 mm - Ertz Mukosoa 3 mm

Poltsa periodontala

Lokalizazio gaixo batzuetan, idun-lerroa ertz gingibaletik beheraxeago edo gorago egon daiteke. Ertz gingibalaren eta poltsa periodontalaren hondoaren arteko distantzia zundaketa-sakonera (2) gisa erregistratzen da.

Goiko irudian, intsertzio-maila honako formula honetan oinarrituta kalkula daiteke:

Intsertzio-Maila 5 mm = Zundaketa-Sakonera 7 mm - Ertz Gingibala 2 mm

Oharra: Terapia periodontal aktiboaren ondoren, 4 mm baino gehiagoko poltsa periodontalei, hondar-poltsak deitzen zaie.

Inplante-inguruko poltsa

Periimplantitisa duten lekuetan, supraegituraren ertza inplante-inguruko mukosaren azpitik edo gainetik egon daiteke. Ertz mukosoaren eta poltsa periodontalaren hondoaren arteko distantzia, orduan, inplante-inguruko zundaketa-sakonera (2) bezala erregistratzen da.

Goiko irudian, hezur albeolarraren (intsertzio) maila honako formula honetan oinarrituta kalkula daiteke:

Hezur albeolarra (intsertzio) maila 6 mm = Zundaketa-Sakonera 7 mm - Ertz Mukosoa 1 mm

Hortzoiaren atzera-egitea

Hortzoiaren atzera-egitea, ertz gingibala idun-lerrotik erpinerantzago kokatzen denean ikusten den baldintza da. Ertz gingibala (1) bezala jasotako balioa, balio negatibo gisa erregistratu behar da.

Goiko irudian, intsertzio-maila honako formula honetan oinarrituta kalkula daiteke:

Intsertzio-Maila 6 mm = Zundaketa-Sakonera 2 mm - Ertz Gingibala -4 mm

Inplante-inguruko atzera-egitea

Inplante-inguruko atzera-egitea, ertz mukosoa supraegituraren ertzetik erpinerantzago kokatzen denean ikusten den baldintza da. Ertz mukosoa (1) bezala jasotako balioa, balio negatibo gisa erregistratu behar da.

Goiko irudian, hezur albeolarraren (intsertzio) maila honako formula honetan oinarrituta kalkula daiteke:

Hezur albeolarraren (intsertzio) maila 4 mm = Zundaketa-Sakonera 2 mm - Ertz mukosoa 2 mm

Sei puntu hortz edo inplante bakoitzeko

Poltsa periodontalak eta intsertzio-mailak neurtzeko, hortz edo inplante bakoitzeko sei puntuak hautatzea kritikoa da. Alderdi oklusaletik begiratzen denean, hortz edo inplante bakoitza sei sekziotan banatzen da. Zundaketa-sakonera handiena duen kokaleku periodontal edo inplante-ingurukoa, sekzio bakoitzerako erregistratu behar da.

Zunda periodontalaren angeluazioa

Zunda periodontala hortz-sustraiari luzetaka sartzen da, zundaketa-sakonera periodontala neurtzeko. Tresna hau hurbil-urrun norabidean A edo B angeluatu beharko litzateke, hurrenez hurren, hortzaren ardatz luzearekiko paraleloan mantenduz (masail- edo mihi-aldeko angeluazioak saihestu).

2. Furkazio-lesioaren larritasuna

Furkazioak aztertzeko zundarekin, hagin guztien eta goiko masailezurreko lehenengo aurreko haginen furkazioak aztertu beharko dira. Zundaketaren osagai horizontala hurrengo irizpide hauen arabera sailkatuko da (0 - 3) (Hamp et al., 1975):

0 gradua = Furkazio-lesioa ezin da detektatu

1. gradua = Furkazio-lesioa dago, ≤ 3 mm zundaketaren osagai horizontalarekin

2. gradua = Furkazio-lesioa dago, > 3 mm zundaketaren osagai horizontalarekin

3. gradua = Furkazioa irekita dago eta zunda alde batetik bestera pasatzen da

3. Hortz-mugikortasuna

Hortz-mugikortasuna zehaztu behar da alde aktibo bakarreko bi tresna erabiliz eta hurrengo irizpide hauen arabera sailkatuko da (Miller, 1950):

0 gradua = Hortz-mugikortasun normala (fisiologikoa)

1. gradua = Hortz-mugikortasuna detekta daiteke (≤ 1 mm horizontalki)

2. gradua = Hortz-mugikortasuna detekta daiteke (> 1 mm horizontalki)

3. gradua = Hortz-mugikortasun bertikala detekta daiteke

Literature

Miller S. C., Textbook of Periodontia, 3rd edition, The Blakiston Co., Philadelphia and Toronto,1950.

Hamp S. E., Nyman S., Lindhe J., Periodontal treatment of multirooted teeth. Results after 5 years. J. Clin. Periodontol. 1975;2:126–135. doi: 10.1111/j.1600-051X.1975.tb01734.x.